திருமலை நாயக்கர் மஹாலும், சென்னை மத்திய சிறையும்.

மன்னர் திருமலை நாயக்கர் மஹாலையும், சென்னை சென்ட்ரல் ஜெயிலையும் உட்கார்ந்த இடத்துல இருந்தே சுத்திப்பாக்கலாம்.

குறிப்பிட்ட இடங்களை மட்டும் கூகுல் ஸ்ட்ரீட் வ்யூ மாதிரி சுத்திப்பாக்குற அனுபவம் இந்த தளத்துக்கு நீங்க போனீங்கன்னா கிடைக்கும்.



சென்னை மத்திய சிறைச்சாலையை சுத்திப்பாக்குற அனுபவம் ரொம்ப நல்லாருக்கு. உண்மைலேயே ரொம்ப அழகா வடிவமைச்சிருக்காங்க.

நீங்களும் ஒரு விசிட் அடிங்களேன்.

சென்னை மத்திய சிறைச்சாலை செல்ல இங்கே க்ளிக் செய்யுங்கள்.

சென்னை சங்கமம் செல்ல இங்கே க்ளிக் செய்யுங்கள்.

சென்னையில் உள்ள அமெரிக்கன் சர்ச் செல்ல இங்கு க்ளிக் செய்யுங்கள்.

xlsx, docx போன்ற பைல்களை, xls, doc பைல்களாக மாற்ற...

மைக்ரோசாப்ட் ஆபிஸ் 2007 - இல் உருவாக்கப்படும், எக்செல் மற்றும் வேர்ட் பைல்கள் xlsx, docx போன்ற எக்ஸ்டென்சன் கொண்டிருக்கும் இந்த பைல்களை பழைய எக்செல் பதிப்புகளால் திறக்க இயலாது.

ஏனெனில், இந்த பைல்கள், Open XML Standards ( Open XML Standards பற்றி தெரிந்துகொள்ள இங்கு க்ளிக் செய்யுங்கள் ) அடிப்படையாக கொண்டு உருவாக்கப்பட்டிருக்கும். இவற்றை நம் பழைய எக்செல் மற்றும் வேர்ட் பதிப்புகள் கொண்டு திறக்க இவற்றை, அதற்குரிய பார்மட்டில் மாற்ற இந்த தளம் உதவுகிறது. சில நொடிகளில் நமக்கு மாற்றி கொடுத்து விடுகிறது. நாம் தனியாக எந்த மென்பொருளும் நிறுவ வேண்டியதில்லை.

பார்மட் மாற்றம் செய்ய இந்த தளத்துக்கு செல்லவும்.



மேலும், நமது பைலை கீழ் காணும் எந்த வடிவுக்கும் மாற்ற முடியும்.

• csv – Comma Separated Values file
• doc – Microsoft Word Doc
• html – Hypertext Markup Language
• mdb – Microsoft Access Database
• ods – OpenDocument spreadsheet
• pdf – Portable Document Format
• rtf – Rich text format
• xls – Microsoft Excel Spreadsheet
• xml – Extensible Markup language

உங்கள் நண்பனுக்கு வாக்களியுங்களேன்.

போட்டோ ஷாப்பில் பிரதிபலிப்பு விளைவு (Reflection effect) கொண்டு வருவது எப்படி ?

(How to Create Reflection effect in photoshop ?)


போட்டோ ஷாப் - பில் டிசைன் செய்யும்போது, சில நேரங்களில் பிம்பம் நீரில் தெரிவது போல கொண்டுவர வேண்டியிருக்கும். அது எப்படி கொண்டு வருவது என பார்ப்போம். உங்களுக்கு தேவையான படத்தை எடுத்துக்கொள்ளுங்கள். எந்த பாகம் தேவையோ, அதை பெண் தூளால் கட் செய்து கொள்ளுங்கள். நான் கீழே கொடுத்திருக்கும் படத்தை எடுத்துள்ளேன்.




இப்போது மெனுவில், இமேஜ் (image) என்பதன் கீழ் இமேஜ் சைஸ் (image size..) எவ்வளவு என்பதை குறித்துக்கொள்ளுங்கள்.






பின்னர் பைல் (file) மெனுவுக்கு சென்று, புதிய (New) பைல் ஒன்றை திறங்கள். அதன் அளவு, முந்தைய இமேஜ் அளவை விட உயரத்தில் (Height) இரு மடங்காக இருப்பது போல பார்த்து கொள்ளுங்கள். (இந்த எடுத்துக்காட்டுக்கு தேவையானபடி தேர்வு செய்துள்ளேன்).



புதிய பைலில், முந்தைய பைல் லேயரை சேருங்கள்.






பின்னர் அதே போல டூப்ளிகேட் (duplicate layer) லேயர் உருவாக்குங்கள். பின்னர் கண்ட்ரோல் + T (Control + T) அழுத்தி, பின்னர் ரைட் க்ளிக் செய்து, flip Vertical என்பதை தேர்வு செய்யுங்கள். (பக்கவாட்டில், பிம்பம் வேண்டுமெனில், flip vertical தேர்வு செய்யுங்கள்).








படத்தில் குறிப்பிடப்பட்டுள்ளது போல, இரண்டையும், தேவையானபடி அமைத்து கொள்ளுங்கள். பின்னர், லேயர் தேர்வு செய்து, கீழே, Add Vector Mask என்பதை அழுத்துங்கள்.






இப்போது, கீழே உள்ளது போல உங்களுக்கு க்ரியேட் ஆகியிருக்கும். அதில் புதிதாய் க்ரியேட் ஆன Vector mask layer மீது க்ளிக் செய்து விட்டு, டூல் பாரில் இருக்கும், கிராடியன்ட் (Gradient tool) டூலை தேர்ந்தெடுங்கள்.



படத்தில் உள்ளது போல் தேர்வாகியுள்ளதா என சரி பார்த்து கொள்ளுங்கள்.



இப்போது, லேயர் மீது தேவைப்படி அப்ளை (apply) செய்யுங்கள். (எடுத்துக்காட்டில், கீழிருந்து மேலாக அப்ளை செய்துள்ளேன்.)



உங்கள் படம், அழகான காட்சியாய் மாறியிருக்கும்.

ஆரக்கிள் பாடங்கள் - பாடம் - 6 - (தகவல் நிபந்தனைகள்) - கன்ஸ்ட்ரைன்ட்ஸ்.

கன்ஸ்ட்ரைன்ட்ஸ் (Constraints) என்பது, ஒரு டேபிளில் தகவல்களை, பெறவோ, மாற்றவோ, நீக்கவோ செய்யும்போது தகவல்களின் ஒருமைப்பாடு (Data integrity) கலையாமல் பாதுகாக்க, முன் வரையறுக்கப்பட்ட சில நிபந்தனைகளாகும் (pre-defined rules).

கன்ஸ்ட்ரைன்ட்ஸ் வகைகளில் சில :

செக் கன்ஸ்ட்ரைன்ட் (CHECK Constraint) : தகவல்களை உள்ளீடு செய்யும்போது, ஒரு சில நிரல்களில், குறிப்பிட்ட தகவல் மட்டுமே இடம்பெறுமாறு செய்ய இந்த கன்ஸ்ட்ரைன்ட் உதவுகிறது.

எடுத்துக்காட்டாக, பிராந்தியம் (REGION) என்றொரு நிரல் இருப்பதாய் கொள்வோம். அதில் NORTH, EAST, SOUTH, WEST எனப்படும், நான்கு மதிப்புகள் (Values) மட்டுமே பெறப்பட வேண்டும், வேறு ஏதாவது மதிப்பை உள்ளீடாக தந்தால் ஏற்றுக்கொள்ளாதபடி செய்ய இந்த கன்ஸ்ட்ரைன்ட் மூலம் கட்டுப்பாடு விதிக்கலாம்.

அது போல நமது எடுத்துக்காட்டில், STUD_CLAS என்ற நிரலில் ஒன்று முதல் பனிரெண்டு என்ற மதிப்புகள் மட்டுமே தரப்பட வேண்டும் என்றும் நாம் வரையறுக்கலாம். அந்த நிரலை வரையறுக்கும்போது (Column definition) இந்த கட்டுப்பாட்டையும் சேர்த்து வரையறுக்க வேண்டும்.

NOT NULL Constraint : ஒரு நிரலில் எந்த தகவலும் உள்ளீடு செய்யாமல் வெறுமனே விட்டுச்செல்வதை தடுக்க இந்த கன்ஸ்ட்ரைன்ட் உதவுகிறது. (எந்த மதிப்பும் இல்லை என்பதனை NULL (நல்) என குறிப்பிடுவோம்.)

அந்த நிரலில் எந்தவொரு நிரையிலும் (Row) குறிப்பிட்ட நிரல் மதிப்பேதும் இல்லாமல் இருக்கக் கூடாது என இதன்படி வரையறுக்கலாம்.

எடுத்துக்காட்டாக, ஒரு பள்ளியில் எல்லா மாணவர்களுக்கும் தனித்தனி பதிவு எண்கள் இருக்கும். பதிவு எண் இல்லாமல் ஒரு மாணவனின் தகவல் இருக்காது.

எனவே நமது எடுத்துக்காட்டில், STUD_MAST டேபிளில் பதிவு எண் நிரலில் மதிப்பு கண்டிப்பாய் கொடுக்கப்பட வேண்டும் என்பதை கட்டாயமாக்கலாம்.

UNIQUE Constraint : ஒரு டேபிளில், ஒரு நிரலின் மதிப்போ, ஒன்றுக்கும் மேற்பட்ட நிரல்களின் தொகுப்பு மதிப்போ (Composite) ஒரு முறை மட்டுமே வரக்கூடியது போல வரையறுக்கப்படுவது யுனிக் (Unique) கன்ஸ்ட்ரைன்ட் எனப்படுகிறது.

நமது எடுத்துக்காட்டின்படி, ஒரு பள்ளியில் ஒவ்வொரு மாணவனுக்கும், தானித்தனி பதிவு எண்கள் கொடுக்கப்பட்டிருக்கும். ஒரே பதிவு எண் இரண்டு மாணவர்களுக்கு வழங்கப்பட மாட்டாது.

அதனை நிர்ணயிக்கவே UNIQUE கன்ஸ்ட்ரைன்ட் உதவுகிறது.

நாம் நமது பாடம் 4(ii) - இல் கீழே கொடுக்கப்பட்டுள்ள கட்டளை உதவியுடன் டேபிள் உருவாக்கினோம்.

CREATE TABLE STUD_MAST (STUD_REG_NO NUMBER(8),
                        STUD_NAME VARCHAR2(30),
                        STUD_GEND CHAR(1),
                        STUD_JOIN_DATE DATE,
                        STUD_JOIN_CLAS VARCHAR2(3))

DROP TABLE கட்டளை மூலம் டேபிளை நீக்கி விட்டு, நாம் மேலே நாம் கூறியுள்ள கன்ஸ்ட்ரைன்ட் - கள் சேர்த்து இந்த டேபிளை மறுபடி உருவாக்குவோம்.

CREATE TABLE STUD_MAST (STUD_REG_NO NUMBER(8)NOT NULL UNIQUE,
                        STUD_NAME VARCHAR2(30) NOT NULL,
                        STUD_GEND CHAR(1),
                        STUD_JOIN_DATE DATE,
                        STUD_JOIN_CLAS VARCHAR2(4) CHECK (STUD_JOIN_CLAS IN ('I','II','III','IV','V','VI','VII','VIII','IX','X','XI','XII')))

இவ்வாறு DROP செய்து விட்டு உருவாக்கும்போது அந்த டேபிளில் இருந்த தகவல்கள் எதுவும் கிடைக்காது. அவ்வாறு ஏற்கனவே தகவல்கள் நிறைந்த டேபிளில் நாம் கன்ஸ்ட்ரைன்ட் சேர்க்க விரும்பினால் கீழ்க்காணும் கட்டளைகளை பயன்படுத்தலாம்.


ALTER TABLE STUD_MAST MODIFY (STUD_REG_NO NUMBER(8) NOT NULL);

ALTER TABLE STUD_MAST MODIFY (STUD_NAME VARCHAR2(30) NOT NULL);

ALTER TABLE STUD_MAST MODIFY (STUD_JOIN_CLAS VARCHAR2(4) CHECK (STUD_JOIN_CLAS IN ('I','II','III','IV','V','VI','VII','VIII','IX','X','XI','XII')))


(ஆரக்கிளின் பழைய பதிப்பான 7.3 CHECK கன்ஸ்ட்ரைன்ட்டை ALTER TABLE கட்டளையில் ஆதரிப்பதில்லை.)

இவ்வாறு ALTER TABLE மூலம் CHECK கன்ஸ்ட்ரைன்ட் செயல்படுத்துகையில், அந்த நிரலில் ஏற்கனவே உள்ள மதிப்புகள் தற்போது கொடுக்கப்படும் நிபந்தனைக்கு உட்பட்டவைகளாக இருக்க வேண்டும்.


NOT NULL, CHECK கன்ஸ்ட்ரைன்ட் - களை ALTER TABLE கட்டளையில், நிரல் தலைப்புக்கு அருகிலேயே செயல்படுத்தலாம். ஆனால் UNIQUE கன்ஸ்ட்ரைன்ட்டை அவ்வாறு செய்ய இயலாது. அதற்கு ADD CONSTRAINT என தனியே செயல்படுத்த வேண்டும்.


ALTER TABLE STUD_MAST ADD CONSTRAINT UK_REG_NO UNIQUE(STUD_REG_NO)


இன்னும் Primary Key Constraint, References Constraint (Foreign key constraint) போன்ற கன்ஸ்ட்ரைன்ட்கள் உள்ளன. பதிவின் நீளம் கருதி அதனை அடுத்த பதிவில் சொல்கிறேன்.

எம்.பி.3 (MP3) பைலுக்கு டேக் (tag) போடலாம் வாங்க.

ஒரு எம்.பி. 3 பைல் உங்க மொபைல்-ல ப்ளே (Play) ஆகும்போது பக்கத்துல ஒரு படம் இருக்கும். பொதுவா அந்த படத்தோட ஸ்டில் (Still) இதுக்கும். அந்த படம் உங்களுக்கு பிடிக்கலேன்னா, வேற படம் மாத்துறதுக்கு,

ஒரு சில பாடல்கள் - ல பாடுனவங்கோளோட பெயர் (Singers) இல்லாம இருக்கும். சில பாடல்கள்- ல இசையமைப்பாளர் (Music director) பெயர் இல்லாம இருக்கும்.

அந்த மாதிரி இல்லாம இருக்கும்போது, நாம ஒரு 500, 600 பாட்டு வச்சிருந்தோம்னா, ஐபாட்(iPod),மொபைல்ல (Mobile),நம்ம கம்ப்யூட்டர்லயே மீடியா பிளேயர்ல (Media Player) கேக்கும்போது தொகுப்பா கேக்க முடியாது.

இந்த எல்லா தகவலும் அந்த எம்.பி.3 பைல்- ல இருந்தாதான் அதை தொகுத்து கேக்கலாம். எடுத்துக்காட்டா, இளையராஜாவோட பாடல்கள் மட்டும் கேக்க, கம்போசர் (Composer) டேக் - ல இளையராஜா - ன்னு இருந்தா நாம ஈசியா பிரிச்சுக்கலாம். எம்.பி.3 டேக் - வின்-ஆம்ப் (Winamp player) பிளேயர்ல போட்டுக்கலாம். மத்த பிளேயர் - ல எனக்கு தெரிஞ்சு அந்த வசதி இல்ல.

இதுக்காகவே ஒரு குட்டி மென்பொருள் (Software) இணையத்துல இருக்கு. அதை நீங்க இங்க போயி பதிவிரக்கிக்கலாம். இதை பதிவிறக்கி, கணினியில நிறுவினா, கீழே உள்ள மாதிரி ஒரு விண்டோ கிடைக்கும்.அதுல மேல Add Directory பட்டனை அழுத்தி, நீங்க பாடல்கள் வச்சிருக்க போல்டரை (folder) தேர்ந்தெடுங்க.





எல்லா பாடல்களும் வரிசையா வரும். அதுல வலது பக்கம், ஏதாவது ஒரு பாடலை தேர்வு செஞ்சீங்கன்னா, இடது பக்கத்துல டேக் கிடைக்கும். நாம தேவையான தகவல்களை மாத்திக்கலாம்.

மறக்காமல் மெயில் அனுப்ப ....,

மறக்காமல் மெயில் அனுப்ப ....,
(send mail without forget)


நம்மோட, நண்பிகளோட பிறந்த நாள் மறந்துட்டோம்னு வைங்களேன். ஒரு, ஒரு வாரத்துக்கு நாம சமாதானப்படுத்த வேண்டியிருக்கும். நம்ம மொபைல்ல ரிமைன்டர் போட்டு வச்சிருந்தோம்னா தப்பிச்சோம்.

அவங்க எப்பவுமே மெயில் பாக்ரவங்களா இருந்தாங்கன்னா நாம மறந்துடாம மெயில் அனுப்பிட்டா, பிரச்சனையே இல்ல.

ஒரு மெயில் ரெடி பண்ணி, எந்த தேதில அனுப்பனும்னு, தேதி போட்டு வச்சுட்டோம்னா நாம மறந்தாலும் அது மறக்காம நம்ம பேர்ல மெயில் அனுப்பற மாதிரி வசதி இருந்தா எவ்ளோ நல்லாருக்கும் ? அதுக்கும் ஒரு வெப்சைட் (website) இருக்குங்க.

Lettermelater.com - ங்கற சைட் போனீங்கன்னா.., நாம நம்ம மெயில்க்கு செட்யூல் போட்டுக்கலாம். (Scheduled mail).

இங்க போயி, முதல்ல நாம ரெஜிஸ்டர் பண்ணனும்.




அப்புறமா நாம மெயில் கோர்த்து (mail Compose) எந்த தேதில எந்த டைம்ல (date and time) அனுப்பனும்னு போட்டு வைக்கணும். கரெக்டா அந்த தேதில, அழகா நம்மே பேர்ல மெயில் பண்ணிடும்.




இதுல மெயில் டிசைன் பண்ண வசதி இல்லன்னு நீங்க நினைச்சா உங்க ஜிமெயில் (Gmail account) கணக்குல டிசைன் பண்ணி, மெயில்க்கு மேல

to:
when :

போட்டு me@lettermelater ங்கற அட்ரஸ்க்கு அனுப்பீட்டிங்கன்னா போதும்.



உங்க பேர்ல ஷெட்யூல் போட்டு வச்சுக்கும்.



இன்னும் அதிகமான தகவல் பெறனும்னா..இங்க க்ளிக் பண்ணி பாருங்க.

மறக்காம வோட்டு போடுங்க.

பைல்களின் பாதையை காப்பி செய்ய...

நாம், சில நேரங்களில், நமது பைல்களை பார்வையிட்டுக்கொண்டிருக்கும்போது, அந்த பைல்களின் முழு பாதையையும் (Path) அந்த பைலின் பெயரோடு காப்பி செய்ய வேண்டியிருக்கும். அப்போது நாம், மேலே எக்ஸ்ப்ளோரரில் அட்ரஸ் பாரில் அந்த லொகேஷனை காப்பி செய்து பின், அந்த பைல் பெயரை மனதில் வைத்து, தேவையான இடத்தில் தட்டச்சு செய்வோம்.

இந்த செயல் ரொம்ப கஷ்டமானதாக இருந்ததில்லை.

ஆனாலும், சில நேரங்களில் PATH மிக நீளமானதாக இருக்கும் பட்சத்தில்,அந்த பைல் பெயரை முழு பாதையுடன் காப்பி செய்ய வசதி இருந்தால் நன்றாய் இருக்குமே என்று தோன்றுவதுண்டு. இதற்கும் ஒரு சிறிய மென்பொருள் உள்ளது.

இதனை இங்கு சென்று தரவிறக்கி கொள்ளலாம்.





இதனை நிறுவிய பின்னர், நமது பைல் கான்டெக்ஸ்ட் ரைட் க்ளிக் மெனுவில் புதியதாய், Copy Path என்றொரு ஆப்ஷன் புதியதாய் தோன்றியிருக்கும். அதன் சப் மெனுவில்,

1. அதன் லொகேஷன் மட்டும் காப்பி செய்ய,

2. லொகேஷனுடன் பைலின் பெயரையும் காப்பி செய்ய,

3. பைலின் பெயரை மட்டும் காப்பி செய்ய, என மூன்று ஆப்ஷன்கள் தோன்றியிருக்கும்.



இதனை பயன்படுத்தி, நாம் லொகேஷன் காப்பி செய்து கொள்ளலாம்.

பிடித்திருந்தால் வாக்களியுங்களேன்.

பி.டி.எப். பைலை பிரிச்சு மேஞ்சுரலாம் வாங்க.

பி.டி.எப் பைலில் இருந்து படங்களை (images) மட்டும் பிரித்தெடுக்க,
பி.டி.எப். பைலை எந்த வித மாற்றமுமின்றி வேர்ட் பைலாக (MS Word) மாற்ற,
பி.டி.எப். பைலில் இருந்து டெக்ஸ்ட் (text) மட்டும் பிரித்தெடுக்க,
பி.டி.எப். பைலை நாம் உபயோகிக்க தகுந்தபடி எச்.டி.எம்.எல் (HTML) பைலாக மாற்ற..,

மேலும்,

ஒரு டெக்ஸ்ட் பைலை, பி.டி.எப். பைலாக மாற்ற என பல்வேறு செயல்களுக்கு தேவையான முற்றிலும் இலவச மென்பொருள்கள் தரும் ஒரு தளம் இணையத்தில் உள்ளது.




பயன்படுத்தி பாருங்கள். மற்றும் உங்கள் மென்பொருள் தொகுப்பில் சேர்த்துக்கொள்ளுங்கள்.

தற்போது இல்லை எனினும் எப்போதாவது கண்டிப்பாக உபயோகமாகும் மென்பொருள்கள் இவை.

இவற்றை தரவிறக்க...,

இங்கு க்ளிக் செய்யவும். மற்றும் மறக்காமல் உங்கள் நண்பனுக்கு வாக்களிக்கவும்.

ஆரக்கிள் பாடங்கள் - பாடம் 5(iii) - (தகவல்கள் நீக்க உதவும் கட்டளை மற்றும் கட்டளை வகைகள்)

ஒரு டேபிள் உருவாக்கி, அதில் தகவல்களை சேர்த்து, சேர்த்த தகவல்களை மாற்றவும் கற்றுக்கொண்டோம். இவ்வாறு சேர்க்கப்பட்ட நிரை (row) ஒன்றை நாம் நீக்க வேண்டும் எனில், DELETE கட்டளை பயன்படுத்தலாம். DELETE கட்டளையின் அமைப்பு.

DELETE [FROM] table WHERE (condition)

முன்பு கூறியவற்றைப்போலவே.., பெரிய எழுத்துக்களில் உள்ளவை (DELETE, FROM, WHERE) போன்றவை கட்டளை குறிச்சொற்கள். table என்பது எந்த டேபிளில் இருந்து தகவல்களை நீக்க வேண்டும் என்பதை குறிப்பதாகும். (condition) என்பது எந்த நிபந்தனைக்கு உட்பட்ட நிரைகள் நீக்கப்பட வேண்டும் என்பதை குறிப்பதாகும். நமது எடுத்துக்காட்டில், கீழ்கண்ட தகவல்கள் டேபிளில் இருப்பதாகக்கொள்வோம். இதில், VELS என்ற பெயருடைய மாணவனின் பெயரை நீக்குவதை கொள்வோம்.

அதற்குரிய கட்டளை...

DELETE FROM STUD_MAST WHERE STUD_NAME = 'VELS'

தகவல் வரையறை கட்டளைகள் மற்றும் தகவல் கையாளல் கட்டளைகள்:


இந்த பதிவிலும், இதற்கு முந்தைய பதிவுகளிலும் கூறப்பட்ட, INSERT, UPDATE, DELETE கட்டளைகள் தகவல் கையாளல் கட்டளைகளாகும் (DATA MANIPULATION LANGUAGE COMMANDS). vai ஒரு டேபிளில் (table) அல்லது ஒரு வ்யூவில் (View) உள்ள தகவல்களை சேர்க்க, மாற்ற, நீக்க பயன்படும் கட்டளைகளாகும்.

இவை தவிர, தகவல் வரையறை கட்டளைகள் (DATA DEFINITION LANGUAGE STATEMENTS) எனப்படுபவை, ஒரு டேபிள் அல்லது ஒரு வ்யூவை வரையறை செய்ய பயன்படும் கட்டளைகளாகும். அவற்றில் சில.., CREATE, ALTER, DROP, REPLACE, TRUNCATE போன்றவைகளாகும்.

இப்போது நாம் டேபிள் பற்றி மட்டும் படித்து வருவதால், அது தொடர்பான கட்டளைகளை மட்டுமே எடுத்துக்கொள்வோம்.

CREATE - இந்த கட்டளை, டேபிள் வ்யூ, சினாநிம், பங்ஷன் போன்றவற்றை, உருவாக்க பயன்படுகிறது.


ALTER :இந்த கட்டளை, டேபிள், அல்லது பயனர் (யூசர்), டேபிள்ஸ்பேஸ், டேட்டாபேஸ் போன்றவற்றின் அமைப்பினை மாற்ற பயன்படுகிறது.

DROP : இது ஒரு டேபிளையோ ஒரு பயனர் கணக்கையோ, டேபிள் ஸ்பேஸையொ அல்லது பங்ஷனையோ நீக்க பயன்படுகிறது.

REPLACE : இந்த கட்டளை ஒரு டேபிளின் பெயரினை மாற்ற பயன்படும்.

TRUNCATE : இந்த கட்டளை ஒரு டேபிளில் இருக்கும் அனைத்து தகவல்களையும் ஒரே நேரத்தில் நீக்க பயன்படுகிறது.

(DELETE கட்டளை மூலமும் ஒரு டேபிளில் இருந்து அனைத்து தகவல்களையும் நீக்க முடியும். ஆனால், DELETE கட்டளை மூலம் தவறாக நீக்கப்படும் நிரைகளை COMMIT கட்டளை கொடுப்பதற்கு முன் மீட்டு விடலாம். ஆனால் TRUNCATE கட்டளையில் திரும்ப பெற முடியாது.)

இவை தவிர கட்டுப்பாடுகள் வரையறை செய்யும் (CONTROL STATEMENTS) கட்டளைகளும் உண்டு.

அவை.., GRANT, REVOKE போன்றவைகளாகும்.

இவை ஒரு பயனரின், ஆப்ஜெக்ட் - களை மற்ற பயனர் ஒருவர் அணுகுவதற்கு அனுமதி கொடுக்கவும், அனுமதி நீக்கவும் பயன்படுபவைகளாகும்.

அடுத்த பதிவில், கன்ஸ்ட்ரைன்ட்ஸ் பற்றி காண்போம்.

கணினிகளின் வலையமைப்பு எவ்வாறு செயல்படுகிறது. ஒரு அசத்தலான வீடியோ.

நமது கோரிக்கை (request) நெட்வொர்க் பாக்கெட் - களாக பிரிக்கப்பட்டு ஒவ்வொரு பாக்கெட்டிலும், அனுப்புபவரின் ஐ.பி முகவரியும், பெறுபவரின் முகவரியும், போர்ட் எண்ணும் இணைக்கப்படுவது, உலகளாவிய நெட்வொர்க் - இல் ஒவ்வொரு பாக்கெட்டும் பயணப்படுவது.


பயணப்படும் பாக்கெட்டை ரௌட்டர்கள் சரியான பாதைக்கு அனுப்புவது. இறுதியாய், சரியான ஐ.பி முகவரிக்கு சென்று சரியான போர்ட் - இல் கோரிக்கையை சேர்ப்பது.

பின் அது தரும் பதிலை (response) பெற்று வருவது போன்றவற்றை, மிக அழகாக அனிமேஷன் செய்துள்ளார்கள்.


சில நொடிகளில் நடந்து முடியும் இந்த செயலில் எவ்வளவு வேலை இருக்கிறது என்று பாருங்களேன். கண்டிப்பாய் பிரமிப்பீர்கள்.

கருப்பு வெள்ளை படத்தை கலராய் மாற்றலாம் வாங்க.

போட்டோ ஷாப் - இல் கருப்பு வெள்ளை படத்தை எப்படி கலராக மாற்றுவது என்று பார்க்கலாம். முதலில் மற்ற வேண்டிய கருப்பு வெள்ளை படத்தை போட்டோ ஷாப் - இல் திறந்து கொள்ளுங்கள். நான் எடுத்துக்காட்டுக்கு கீழே உள்ள படத்தை எடுத்துள்ளேன்.



பின்னர் CTRL+SHIFT+N கீகளை சேர்த்து அழுத்துங்கள். அல்லது மெனுவில் சென்று Layer --> New --> New layer என்பதை தேர்வு செய்யுங்கள். அந்த லேயர் - க்கு ஒரு பெயர் கொடுத்துக்கொள்ளுங்கள்.



பின்னர் லேயர் விண்டோ விற்கு சென்று, கீழே கொடுத்துள்ளது போல செட்டிங்க்ஸ் மாற்றிக்கொள்ளுங்கள். capacity என்பதில் சதவீதத்தை குறைத்துக் கொள்ளுங்கள்.







தேவையான வண்ணத்தை தேர்ந்தெடுத்து, பின்னர் பிரஷ் டூல் மூலம், தேவையான இடத்தில் வண்ணத்தை மாற்றுங்கள்.








ஒன்றுக்கும் மேற்பட்ட நிறங்களை சேர்த்து படத்தி அழகுபடுத்துங்கள். தேவையான வண்ணப்படம் ரெடி.







அன்புடன்...,


பா.வேல்முருகன்.


பிடித்திருந்தால் வாக்களியுங்களேன்.