கூகிள் டாக்ஸ் - (Google Docs) இல் புதிய மாற்றங்கள் - வசதிகள்.

நாம் முன்னரே குறிப்பிட்டது போல மேகக்கணினியத்தில் அழுத்தமாக கால் பதிக்கும் வகையிலும், மைக்ரோசாப்ட் நிறுவனத்தின் இணைய அலுவலக தொகுப்புகளுக்கு (Cloud office 2010) போட்டி தரும் வகையிலும், மேலும் பல புதிய அம்சங்களை தனது கூகிள் டாக்ஸ் தொகுப்பில் அறிமுகப்படுத்தியுள்ளது.

1. எந்த வகை கோப்பையும், பதிவேற்றும் வசதி.

வேர்ட், எக்செல், பவர்பாயின்ட் வடிவிலான கோப்புகள் போல மேலும் பல உரு கோப்புகளையும் பதிவேற்றிக்கொள்ளும் வசதி.

கூகிள் டாக்ஸ் மூலம், மாற்றக்கூடிய கோப்பு வடிவுகள்

• For spreadsheets: .xls, .xlsx, .ods, .csv, .tsv, .txt, .tsb
• For documents: .doc, .docx, .html, plain text (.txt), .rtf
• For presentations: .ppt, .pps

மேற்குறிப்பிட்டுள்ள கோப்புகளை, கூகிள் டாக்ஸ் மூலம் இணையத்திலேயே மாற்றலாம் திருத்தலாம்.
இவை தவிர, தற்போது, .zip, .jpg, .mp3 வகை கோப்புகளையும் பதிவேற்றிக் கொள்ளலாம். இவ்வாறு, மாற்ற இயலாத கோப்புகளை 1 ஜி.பி. வரையிலும் ஏற்றிக்கொள்ளலாம். 1 ஜி.பி. க்கு மேலே ஒவ்வொரு ஜி.பி. க்கும், 0.25 அமெரிக்க டாலர் கட்டணம் என நிர்ணயித்துள்ளது.

2. உறை (folder) உருவாக்கிக்கொள்ளும் வசதி.

 

கூகிள் டாக்ஸ் - இல் முன்பு அனைத்து கோப்புகளை ஒரே இடத்தில் இருக்கும். இப்போது நமது கணினியில் உள்ளது போல உறைகள் (folders) உருவாக்கி அதனுள் பல கோப்புகளை சேமித்துக்கொள்ளலாம். ஒவ்வொரு உறையையும் மற்றவர்களுடன் (அனைத்து கோப்புகளையும் சேர்த்து) மொத்தமாக பகிர்ந்து (share) கொள்ளலாம்.

3. எக்செல், வேர்டில் உள்ளது கோடுகள், அம்புக்குறிகள் போன்றவை வரையும் வசதி.

4. வார்த்தைகளை மொழி பெயர்க்கும் வசதி.

கூகிள் விரிதாளில் (Spreadsheet) translate என்னும் செயற்கூறு மூலம், ஒரு மொழியிலிருந்து இன்னொரு மொழிக்கு மொழிபெயர்த்தல்.

=GoogleTranslate("text", "source language","target language")

மேலே உள்ள செயற்கூறு மூலம், கொடுக்கும் வார்த்தையை மொழிபெயர்த்துக்கொள்ளலாம்.

5. கூகிள் விரிதாள் மூலம் படிவம் உருவாக்க முடிந்தது நாம் அறிந்ததே. தற்போது இதில் கூடுதல் அம்சங்களை சேர்த்துள்ளனர்.

6. மொத்த கோப்பையும் மொழிமாற்றம் செய்யலாம்.

மொத்த கோப்பையும், ஒரு சில சொடுக்குகளில் மொழி மாற்றம் செய்துவிட முடியும். நாற்பது மொழிகளுக்கிடையே மொழி மாற்றம் செய்து தருகிறது. ஆனால், அதில் தமிழ் மொழி இல்லாதது நமக்கெல்லாம் குறைதான்.

7. மின்னஞ்சல் இணைப்பாக அனுப்பும் வசதி.

கூகிள் டாக்ஸ் மூலம் நாம் உருவாக்கிய கோப்பை, நம் மின்னஞ்சலில் கோப்பிணைப்பாக அனுப்ப இயலும்.

இன்னும் பல வசதிகளை அடுத்தது அறிமுகப்படுத்தப்போவதாக அறிவித்துள்ளது கூகிள் நிறுவனம்.

பொறுத்திருந்து பார்போம்.

மீண்டும் வருகிறேன்.

அன்புடன்..,

பா.வேல்முருகன்.

அசைவுப்படத்துக்கு கோபம் வந்தால்....

கொஞ்ச நேரம்  உங்கள் மனதை இந்த தளத்தில் இளைப்பாற்றிக்கொள்ளுங்கள்.

கீழே உள்ள படத்தை சொடுக்கிப்பார்த்து, PLAY அழுத்தி  அசைவுப்படத்திற்கு கோபம் வந்தால் என்னாகும் என தெரிந்து கொள்ளுங்கள்.

மீண்டும் வருகிறேன்.

அன்புடன்..,

பா.வேல்முருகன்.

உங்கள் கணினி பணிநிறுத்தம் செய்யும்போது அதிக நேரம் எடுக்கிறதா ?

உங்கள் கணினியை பணி நிறுத்தம் செய்யும்போது சில நேரங்களில் வெகு நேரம் எடுத்துக்கொள்ளும். ஏனென்றால் அதன் பின்புலத்தில் பல செயல்கள் (Background processes) நடைபெற்றுக்கொண்டிருக்கும். அவை ஒவ்வொன்றாய் முடிவடையும் வரை காத்திருந்து பின்னர் கணினியின் இயக்கம் நிற்கும்.
 

ஒரு சில செயல்கள் தானாக நிற்பதில்லை. பணி நிறுத்தம் (Shut down) செய்யும்போது இந்த செயல்களை உடனடியாக நிறுத்துவதன் மூலம், கணினியின் இயக்கத்தை வேகமாக நிறுத்தலாம்.

உடனடியாக எப்படி நிறுத்துவதென்று பார்ப்போம்.

Start ---> Run சென்று regedit என தட்டச்சுங்கள்.

பின்னர் வரும் சட்டத்தில் (Window), இடது புறத்தில்,

HKEY_CURRENT USER\Control Panel\Desktop

என்னும் இடத்திற்கு செல்லுங்கள்.

 பின்னர் வலது புறத்தில், AutoEndTasks என்பதை இருசொடுக்கு செய்து அதன் மதிப்பை பூஜ்ஜியம் என்பதிலிருந்து ஒன்று என மாற்றுங்கள்.

OK கொடுத்து வெளியேறுங்கள்.

இனி, உங்கள் கணினி பணி நிறுத்தம் செய்கையில் அதிக நேரம் எடுக்காது.

மீண்டும் வருகிறேன்.

அன்புடன்..,

பா.வேல்முருகன்.

மடிக்கணினிகளில் கணினித்திரையை அணைத்து வைக்க..

நாம் பயன்படுத்தும் மேசைக்கணினியில், நாம் பயன்படுத்தாதபோது கணினித்திரையை அணைத்து (manually) வைப்பதன் மூலம், மின்பயன்பாட்டை குறைக்கலாம். அனால், பெரும்பாலான மடிக்கணினிகளில் அது போன்ற பொத்தான்கள் இருப்பதில்லை.

அந்த செயலை, இந்த சிறிய செயலியைக் (application) கொண்டு நிறைவேற்றலாம்.

இங்கு சொடுக்கி இந்த செயலியை பதிவிறக்குங்கள்.

பின்னர் இதற்கு கணினியின் மேசைத்தளத்தில் (desktop) ஒரு குறுக்கு வழி படவுரு (Short cut icon) ஒன்றை உருவாக்குங்கள்.

பின்னர், இந்த படவுருவை வலச்சொடுக்கு (right click) செய்து, பண்புகள் (properties) என்பதை தேர்வு செய்யுங்கள்.

அதில் சுருக்கு விசை (Short cut key) என்பதில் ஏதாவதொரு விசையை தேர்வு செய்யுங்கள்.

பின்னர் OK பொத்தானை அழுத்துங்கள்.

இப்போது உங்கள் கணினித்திரையை இந்த சுருக்கு விசை கொண்டே அணைக்கலாம்.

மடிக்கணினிகளுக்கு இது மிகவும் உபயோகமானதாக இருக்கும்.

அன்புடன்..,

பா.வேல்முருகன்.

உங்கள் தளத்துக்கு வருவோரை வேறொரு தளத்துக்கு திருப்பி விட.., (redirect to other site)

என்னடா இது. வாசிப்போரை வரவழைப்பதே பெரும்பாடாய் இருக்கும்போது, வருவோரை வேறு இடத்துக்கு அனுப்பவா ? என்று நீங்கள் கேட்பது தெரிகிறது.

நீங்கள் ஒரு வலைப்பூ வைத்திருக்கிறீர்கள். சில நாட்கள் கழித்து அதனை மூடிவிட்டு புதியதாய் வேறொரு வலைப்பூ தொடங்குகிறீர்கள் எனக்கொள்வோம். இரண்டு வலைப்பூக்களையும் உங்களால் நிர்வகிக்க முடியாது மற்றும், ஏற்கனவே இருக்கும் வாசகர்களையும் தக்க வைக்க வேண்டும். இதற்கு என்ன வழி. பழைய தளத்துக்கு வரும் வாசகர்களை தானாகவே புதிய தளத்துக்கு வரவழைப்பதுதான் சிறந்த வழி.



எப்படி இவ்வாறு திருப்பி விடுவது என்பதை சொல்கிறேன். இந்த சிறு நிரலை நகலெடுத்து உங்கள் பழைய தளத்தில் குறிப்பிட்ட இடத்தில் ஒட்டி விட்டாலே போதும்.



<script type='text/javascript'>
location.replace("http://SITE-TO-BE_REDIRECTED");
</script>

அல்லது..,

<script type='text/javascript'>
location.href = "http://SITE-TO-BE_REDIRECTED";
</script>

ப்ளாகரில்,  வழக்கம்போல,

Layout -- > Edit HTML சென்று,

<head> என்பதற்கு மேலே, மேற்கண்டவற்றில் ஏதோவொரு நிரலை ஒட்டி விடுங்கள்.

http://SITE-TO-BE_REDIRECTED என்பதில், மாற்றி அனுப்பப்பட வேண்டிய தள முகவரியை சேர்க்க மறக்காதீர்கள்.

மீண்டும் வருகிறேன்..,

அன்புடன்..,

பா.வேல்முருகன்.

நண்பர் நீச்சல்காரன் அவர்களின் மேலுமொரு குறிப்பு.

கீழ்க்கண்ட நிரலையும் நீங்கள் பயன்படுத்தலாம்.

சில உலவிகளில் ஜாவா ஸ்கிரிப்ட் வசதியில்லாமல் இருக்கும் நிலையில் கீழ்க்கண்ட நிரலிகள் மிகுந்த பயன் தரும். இந்த தகவலையும் இணைத்துக்கொள்ளுங்கள். Paste it Just below the HEAD tag {Please use open bracket here}meta content="0;url=http://www.SITE-TO-BE_REDIRECTED.com" http-equiv="REFRESH">

ஜெமினாய்ட் (F) - ஒரு ஜப்பானிய இயந்திரப்பெண். (Geminoid-F)

தலைவரின் எந்திரன் வரும் நாளை எதிர்பார்த்து நாம் காத்திருக்கிறோம். ரஜினியே ரஜினி போன்ற ஒரு எந்திர மனிதனை உருவாக்குவதைப்பற்றியதாம் கதை. ஆனால், ஜப்பானிய விஞ்ஞானிகள் அச்சு அசல் மனிதப்பெண் போலவே ஒரு இயந்திரப்பெண்ணை உருவாக்கி அதில் ஓரளவு வெற்றியும் பெற்றிருக்கிறார்கள்.

ஒசாகா பல்கலைக்கழகத்தைசேர்ந்த intelligent Robotic laboratory - யும், kokoro Co. Ltd என்ற நிறுவனமும் இனைந்து இந்த இயந்திரப்பெண்ணை உருவாக்கியிருக்கிறார்கள்.

நீளமான தலைமுடியுடனும், சிலிக்காவாலான மென்மையான தோலுடனும், அழகான  பல்வரிசையுடனும் உருவாக்கப்பட்டிருக்கும் இந்த இயந்திரப்பெண்ணுக்கு - ஜெமினாய்ட்  - (F) என பெயரிடப்பட்டுள்ளது. பெண் பாலினத்தைக்குறிக்கும் வகையில் (F) என குறிப்பிடப்பட்டுள்ளது.

அழகான முக பாவனைகளை வெளிப்படுத்தும் இந்த இயந்திரப்பெண்ணுக்கு, அதற்குரிய கட்டளைகள் அடங்கிய சிப் - கள் உடல் பகுதியில் போருத்தப்பட்டுள்ளதாம். இதனை தயாரித்தவர்கள், மியூசியம் போன்ற இடங்களில் வரவேற்பு பெண்மணியாக இதனை வேலைக்கு முயற்சி செய்து பார்க்கலாம் என்று இருக்கிறார்களாம்.

அடுத்த மாதத்திலிருந்து இதனை விற்பனை செய்யப்போவதாக Kokoro நிறுவனம் அறிவித்துள்ளது. விலை ரொம்பவும் குறைவுதான். 10 மில்லியன் யென். (ஏறத்தாழ 110,000 அமெரிக்க டாலர்கள்).

நானும் ஒன்னு வாங்கி வீட்டு வேலைக்கு வச்சுக்கலாம்னு இருக்கேன். நீங்களும் ஒன்னு வாங்குங்களேன்.

அன்புடன்..,

பா.வேல்முருகன்.

இந்தப் பதிவில் கொஞ்சம் கடின ஆங்கில சொற்கள்.

chip
Robotic laboratory

இணையத்தில் தகவல்களை சேமிக்க உதவும் (Virtual hard drive) சேவைகள்.

நம் கணினியில் நாம் பயன்படுத்தும் கோப்புகளை உடனுக்குடனே இணையத்தில், நமது  ஜிமெயில் கணக்கிலும் ஹாட்மெயில் கணக்கிலும் சேமித்துக்கொள்ளலாம். இதற்கென கிடைக்கும் சிறு மென்பொருள்களை நமது கணினியில் நிறுவிக்கொண்டாலே போதும்.

 

இந்த டிரைவ்கள்,  நம் கணினியில் C:, D: போலவே இவைகளும் My Computer - ஐ திறந்தவுடனே தெரியும். நமது லோக்கல் டிரைவைப்போலவே காட்சியளிக்கும். நமக்கு தேவையான கோப்புகளை, இதற்குள் இழுத்துப்போட்டுக்கொள்ளலாம் (drag and drop). இவை நேரடியாக நமது இணைய கணக்கில் சேமிக்கப்பட்டு விடும். எங்கு சென்றாலும் இந்த டிரைவை அணுகி கோப்புகளைப்பெறலாம்.

 ஜிமெயில் டிரைவ் பதிவிறக்க : இங்கே.
மைக்ரோசாப்ட் ஸ்கை டிரைவ் பதிவிறக்க : இங்கே

இந்த பதிவை எழுதும்போது கீழ்க்கண்ட ஆங்கில வார்த்தைகளுக்கு தொழில்நுட்பம் சம்பந்தமான தமிழ் வார்த்தைகள் தெரியவில்லை. இனி ஒவ்வொரு பதிவின்போதும் கடின வார்த்தைகளை பட்டியலிடலாமென இருக்கிறேன். தயவு செய்து,  அதற்குரிய சரியான தமிழ் வார்த்தைகள் தெரிந்தவர்கள் எனக்கு உதவுங்களேன்.

இந்தப்பதிவிற்கான வார்த்தைகள்:

drive
virtual drive
local drive
online service
storage

அன்புடன்..,

பா.வேல்முருகன்.

வடிவமைப்பை விளக்க ஒரு மேகக்கணினிய சேவை - மாக்கிங்பேர்ட்

(Cloudcomputing service to illustrate the layout - Mockingbird)

நீங்கள் ஒரு நிறுவனம் நடத்துவதாகக்கொள்வோம். உங்கள் நிறுவனத்துக்கு ஒரு இணையதளம் தொடங்க இருக்கிறீர்கள். அந்த பொறுப்பை ஒரு தனியார்வசம் ஒப்படைப்பதாகக்கொள்வோம். உங்கள் தளம் எவ்வாறு காட்சியளிக்க வேண்டும் தோன்றுகிறதோ அதற்கு ஒரு வடிவமைப்பு (லே-அவுட்) செய்து அந்த நிறுவனத்திடம் கொடுத்து விட்டால் அந்த நிறுவனம் அந்த வடிவத்தைக்கொண்டு தனது வேலையைத்தொடங்கி விடும்.

அதுபோல, நீங்கள் ஒரு மென்பொருள் நிறுவனத்தில், மென்பொருள் திட்ட மேலாளராக (Software project manager) இருப்பதாகக்கொள்வோம். நிரல் எழுதும் பணியாளர்களிடம், மென்பொருளின் முகப்பு, தகவல் உள்ளீடு மென்படிவம் (Forms) போன்றவை எவ்வாறு அமைய வேண்டும் என்பதனை சில நிமிடங்களில் செய்து அவர்களிடம் கொடுத்து விட்டால் நீங்கள் எதிர்பார்க்கும் வகையில் அவர்களின் வடிவமைப்பு இருக்கும். இதுபோல பல உதாரணங்கள் சொல்லலாம்,. இந்த, மாதிரி வடிவமைப்பு செய்ய பயன்படும் தளம்தான்.

http://www.gomockingbird.com

இது ஒரு மேகக்கணினிய சேவையாகும். இந்த தளத்தில் சென்று, காணொளி எங்கு வரவேண்டும், படம் எங்கு வரவேண்டும், தலைப்பு எவ்வாறு இருக்க வேண்டும் என வடிவமைத்து, PDF கோப்பாகவோ அல்லது PNG கோப்பாகவோ சேமித்துக்கொள்ளலாம். மேலும், மற்றவர்களிடம் Embedding மூலமும் பகிர்து கொள்ளலாம்.

ஒருமுறை பார்வையிட்டுப்பாருங்களேன்.
உங்களுக்கும் கூட பயன்படலாம்.

அன்புடன்..,

பா.வேல்முருகன்.

செயல்வழிப்படம் (flow chart) வரைய ஒரு கட்டற்ற இலவச மென்பொருள்.

செயல்வழிப்படம் (flow chart),  கணினி வலையமைப்புப்படம் (Network diagram), மின் சுற்றுப்படம் (electric circuit diagram) போன்றவை வரைய ஒரு கட்டற்ற இலவச மென்பொருள்.

மைக்ரோசாப்ட் நிறுவனத்தின், விஷியோ (Vision) மென்பொருளுக்கு மாற்றாக, ஒரு கட்டற்ற இலவச மென்பொருள் இணையத்தில் கிடைக்கிறது. அதன் பெயர் "டையா" (Dia).

இது விஷியோ போல இல்லாமல், சிறிய அளவான மென்பொருள் என்பதால், சுலபமாக பதிவிறக்கம் செய்து பயன்படுத்தலாம். உபயோகிப்பதில் சில கட்டுப்பாடுகள் இருந்தாலும் விஷியோவுக்கு ரொம்பவும் குறைந்த மென்பொருள் அல்ல. விஷியோவில் உருவாக்கப்பட்ட கோப்பை இதில் திறந்து பயன்படுத்த இயலாது என்பதுதான் ஒரு சிறு குறை.

இதனை பதிவிறக்க இங்கு சொடுக்குங்கள்.

அன்புடன்..,

பா.வேல்முருகன்.

பூமியை ஆராய ஹெச்.பி. நிறுவனத்தின் புதிய முயற்சி.

பூமியை ஆராய ஹெச்.பி. நிறுவனத்தின் புதிய முயற்சி.

பூமியில் பல இடங்களில் பொருத்தப்படும் நுண்ணிய உணர்விகள் (Sensors) மூலம் தகவல்கள் பெறப்பட்டு, பின் அவை தொகுக்கப்பட்டு பூமியில் ஏற்படும் மாற்றங்கள் குறித்து ஆராயப்போவதாக அறிவித்துள்ளது ஹெச்.பி. இதற்காக அடுத்த பத்து ஆண்டுகளில், பல் லட்சக்கணக்கான இடங்களில் இந்த உணர்விகள் பொருத்தப்பட இருக்கிறது. இந்த திட்டத்துக்கு CeNSE (Central Nervous System for the Earth) எனப்பெயரிடப்பட்டுள்ளது.

தற்போது கைபேசிகள், மற்றும் பிற கம்பியில்லா தொடர்பு முறை சாதனங்களில் பயன்படுத்தப்படும் உணர்விகளைக்காட்டிலும், ஆயிரம் மடங்கு உணர்வு மிகுந்ததாக இந்த உணர்விகள் இருக்கும். இதன் மூலம் பூமியல் ஏற்படும் நுண்ணிய சத்தங்கள் கூட உடனுக்குடனே மையக் கணினிக்கு (Server) அனுப்பப்பட்டு பகுத்தறியப்படுகிறது.

முதன் முதலில் எண்ணெய் நிறுவனமான "ஷெல்" (Shell) லுக்கு துணை புரிய பயன்படுத்தப்படும் இந்த உணர்விகள் பின்னர் படிப்படியாக மற்ற ஆராய்ச்சிகளுக்கு பயன்படுத்தப்படப்போவதாக தெரிகிறது. ஷெல் நிறுவனத்துக்கு, உலகின் எந்த இடத்தில் எண்ணெய் வளம் உள்ளது எனக் கண்டறிய பயன்படும் என தெரிகிறது.

எப்படியோ, வியாபார நோக்கத்துக்காக  இந்த உணர்விகள் பயன்படுத்தப்பட்டாலும், நிலா நடுக்கமோ அல்லது மற்ற இயற்கை சீரழிவுகளோ ஏற்படா வண்ணம் முன்னெச்சரிக்கை செய்ய, இந்த உணர்விகள் பயன்பட்டால், மனித குலத்துக்கே அது வரப்பிரசாதமாக அமையும்.

மீண்டும் வருகிறேன்..,

அன்புடன்..,

பா.வேல்முருகன்.

ஒரு துளி ரத்தத்தில் எல்லா மருத்துவ சோதனைகளும். (All medical tests in a blood drop)

சில நேரங்களில், நாம் மருத்துவமனைகளுக்கு செல்லும்போது, பல மருத்துவ ஆய்வுகள் செய்ய வேண்டி மருத்துவர் எழுதிக்கொடுப்பார். ஆய்வுக்கூடத்துக்கு சென்றால், குறைந்தது 20 மி.லி அளவுக்கு ரத்தம் எடுப்பார்கள். இனி இந்த அளவுக்கு ரத்தம் கொடுக்க வேண்டியதில்லை.

ஹார்வர்டு பல்கலைக்கழக விஞ்ஞானியான, ஜார்ஜ் ஒயிட்சைட் விரல் நுனி அளவே உள்ள ஒரு காகித சிப் ஒன்றை கண்டுபிடித்துள்ளார். படக்கதை புத்தகங்களில் வரும் சிறிய வடிவிலான சிப் - பின் வடிவமைப்பால் உந்தப்பட்டு, இதனைக் கண்டுபிடித்ததாக அவர் தெரிவித்துள்ளார்.

ஒரு துளி ரத்தத்தை இதன் கீழ்புறத்தில் வைத்தால்,, அது மெதுவாகப்பரவி, மரம் போன்ற வடிவத்தில் சென்று நிறம் மாறுகிறது. இந்த நிற மாற்றங்களைக்கொண்டு, எயிட்ஸ், மலேரியா, காசநோய், மஞ்சள் காமாலை போன்ற நோய்கள் இருக்கிறதா, இல்லையா என்பதைக் கண்டுபிடிப்பது மட்டுமின்றி நோயின் தீவிரம் குறித்தும் தெரிந்து கொள்ளலாம்.

இந்த நிறம் மாறுதல் குறித்தே நோயைக்கண்டு கொள்ளலாம் என்பதால்,
மருத்துவர் இல்லை என்றாலும், இதில், ரத்தத்தை விட்டு, அது தரும் வண்ணங்களை, கைபேசியில் படமெடுத்து, கைபேசியே சோதனை முடிவுகளை கண்டுபிடித்து சொல்லக்கூடிய மென்பொருள் கண்டுபிடிப்பதிலும் ஈடுபட்டுள்ளதாக ஒயிட்சைட் தெரிவித்துள்ளார்.







அடுத்த வருடம் முதல் அறிமுகப்படுத்தப்பட இருக்கும் இந்த காகித சிப், எல்லோரும் பயன்படுத்தும் வகையில், விலை குறைவாக இருப்பதாலும், பயன்படுத்த எளிதாக இருப்பதாலும், இது இந்தியாவுக்கு வேகமாக பயன்பாட்டுக்கு வந்தால், ஏழை மக்களுக்கு மருத்துவ செலவு பெருமளவில் குறையும்.


ஆதாரம் : CNN

மீண்டும் வருகிறேன்.

அன்புடன்..,

பா.வேல்முருகன்.

(QR Code) QR குறியீடு பற்றி தெரிந்து கொள்வோம். - உங்கள் தளத்துக்கான QR குறியீடு.

நாம் அனைவருக்கும் பட்டைக்குறியீடு (Bar Code) பற்றி தெரிந்திருக்கும்.

பட்டைக்குறியீட்டில் தகவல்களைப்பதிந்து அவற்றிற்குரிய படிப்பான்கள் மூலம் தகவல்களை படிக்கும் முறை பற்றி நமக்கு நன்கு தெரியும். பட்டைக்குறியீட்டிலிருந்து தகவல்களைப் பெரும் வேகமும், அதன் துல்லியமும், அதனை மிகவும் பிரபலப்படுத்தியது. மேலும் அதிக தகவல்களை, பட்டைக்குறியீடில் பரிமாற, இரு பரிமாண பட்டைக்குறியீடு பயன்படுகிறது.

இரு பரிமாண பட்டைக்குறியீட்டில், பல முறைகள் உள்ளன. நாம் இந்தப்பதிவில், QR குறியீட்டைப்பற்றி தெரிந்து கொள்ளலாம்.

QR code என்னும், இரு பரிமாண பட்டைக்குறியீடு "டென்சோ-வேவ்" என்ற  நிறுவனத்தால் 1994 - ஆம் ஆண்டு அறிமுகப்படுத்தப்பட்டது. QR என்பது Quick Response என்பதன் சுருக்கமாகும்.

QR குறியீட்டில் 7089 எண்களும் (numeric) , 4296 எண்ணெழுத்துக்களும் (alphanumeric) குறியிடும் ஆற்றல் மிகுந்தவை. இதன் நான்கு புறத்திலும் இருக்கும் சதுர வடிவத்தைக்கொண்டு  360 அளவு கோணத்திலிருந்தும் இதனை படித்துணர முடியும் என்பது இதன் சிறப்பாகும். அதே போல, ஒரே குறியீட்டை பல பாகங்களாகப்பிரித்து, தனித்தனியே தகவல்களைப்பெறவும் முடியும்.

நீங்கள் எங்கோ ஒரு QR குறியீடைக்  காண்கிறீர்கள். அதில் பொதிந்திருக்கும் தகவல்களை அறிய உங்கள் கைபேசியில், படமெடுக்கும் வசதியும் (Camera), படிப்பான் மென்பொருளும் இருந்தால் போதும். அதனைக்கொண்டே அதிலிருக்கும் தகவல்களை நாம் தெரிந்து கொள்ள முடியும். மிக அதிகமாய், இணைய முகவரிகளை பதிந்து வைக்க QR Code பயன்படுகிறது. கைபேசி QR படிப்பான் மென்பொருள் பல தளங்களில் கிடைக்கின்றன.

படிப்பான் மென்பொருள் வழங்கும் ஒரு தளம் காண இங்கு சொடுக்கவும்.

இந்தக் காணொளியைப்பாருங்கள்.

QR குறியீடு பற்றி மேலும் அதிகமாக தெரிந்துகொள்ள இங்கு சொடுக்கவும்.

உங்கள் ப்ளாகைப்பற்றிய QR குறியீடு பெற நீங்கள் கஷ்டப்பட வேண்டியதே இல்லை. கீழே உள்ள நிரலை உங்கள் உலாவியில் முயற்சித்தாலே போதும். கூகுல், உங்கள் ப்ளாகிற்கான QR குறியீட்டைக்கொடுத்து விடும். கீழே உள்ளது கனா காலத்திற்கான குறியீடு.

http://chart.apis.google.com/chart?cht=qr&chl=http://YOUR-WEBSITE-ADDRESS/mobile&chs=120x120

மேலும் பல படிப்பான் மென்பொருள்கள் பற்றி அறிய இங்கு சொடுக்கவும்.

நன்றி :

http://www.qrme.co.uk
http://www.denso-wave.com
http://chart.apis.google.com

http://en.wikipedia.org/wiki/QR_Code

மீண்டும் வருகிறேன்.

அன்புடன்..,

பா.வேல்முருகன்.

இந்த தகவல் பலரையும் சென்றடைய இங்கு வாக்களித்து ஆதரியுங்கள்.

 

மேகக்கணினியம், இணைய குற்றம் (Cybercrime) புரிவோரின் அடுத்த இலக்கா ?

 

கணினி உலகில் அடுத்த தலைமுறைக்கான, மேகக்கணினியம் எனப்படும் நுட்பம், இணைய குற்றம் புரிவோரின் அடுத்த இலக்காக இருக்கும் என ஆய்வுகள் தெரிவிக்கின்றன.

இணைய குற்றங்கள் எனப்படுபவை, இணையத்தின் மூலம் பிறரின் வங்கிக்கணக்கை திருடுதல், பிற நிறுவன தகவல்களை திருடுதல், காப்புரிமை பெறப்பட்ட இணையத்தகவல்களை, அவர்களின் அனுமதியின்றி பயன்படுத்துதல், இன்னும் பல.

ஒரு வங்கியின், தளத்தைப்போலவே, ஒரு போலியான தளம் வடிவமைத்து, அந்த வாடிக்கையாளர்களின் வங்கிக்கணக்கை திருடுதல், வாங்கி அனுப்புவதைப்போலவே போலியான மின்னஞ்சல்கள் அனுப்பி, பயனர் பெயர், கடவுச்சொல் போன்றவற்றை அபகரித்தல் போன்றவையும்
இணைய குற்றங்கள்தான்.

பிறரின் கணினிகளில் இருக்கும் தகவல்களைத்திருட,  கணினி நச்சு நிரல்கள் (Computer viruses), தீங்கு நிரல்கள் (Malwares) போன்றவற்றை பயன்படுத்துகிறார்கள் இணையத்திருடர்கள்.

மேகக்கணினியம் இன்னும் பிரபலமடையும் காலத்தில், இணையம் மூலமாக பல பரிவர்த்தனைகள் நடக்கும். நிறுவனங்களின், மிக முக்கியமான தகவல்களும் இணையத்தில் பரிமாற்றப்படும். அந்த நேரத்தில், இணைய குற்றங்கள், மேகக்கணினியத்துக்கு மிகப்பெரும் சவாலாக இருக்கும்.

32-bit முகவரியுடன் செயல்படும் IPv4 எனப்படும் இணைய தொடர்பு வரைமுறையில் , (internet Protocol version 4) அதிக பாதுகாப்பு இல்லை எனவும், 128-bit முகவரியுடன் செயல்படக்கூடிய IPv6 அதிகம் பயன்படுத்தத்தொடங்கும்போது, பாதுகாப்பை அதிகரிக்கலாம் என்பதும் நிபுணர்களின் கருத்தாக இருக்கிறது.

தேவையற்ற அழைப்புகளை நிறுத்த - The National Do Not Call Registry

The National Do Not Call Registry என்பது, பற்றி பலருக்கும் தெரிந்திருக்கும். இருந்தாலும் இது பற்றி அறியாத என்னைப்போன்ற வாசகர்களுக்காக இந்தப்பதிவு.

நேற்று காலை, நகரின் பரபரப்பான சிக்னலில், நெருக்கடியான சாலையில் எனது இருசக்கர வாகனத்தில் இன்ச், இன்ச்சாக நகர்ந்து கொண்டிருந்த போது, எனது சட்டை பாக்கெட்டில் அதிர்வு அமைப்பில் (Vibration on call) அமைத்திருந்த  எனது கைபேசி, உறுமியது. பின்னாலும், முன்னாலும் வாகனங்களின் ஒலி, இரைச்சலுக்கு மத்தியில், அவசர அவசரமாக வண்டியை ஓரம்கட்டி அழைப்பை ஏற்ற போது, அது எனக்கு கைபேசி சேவை வழங்கும் நிறுவனத்தின் அழைப்பு. அழைப்பவரை பாடல் மூலம் சந்தோஷப்படுத்துங்கள். மாதக்கட்டணம் 30 ரூபாய் எனக் கூவியது. எனக்கு வந்த ஆத்திரத்தில், கைபேசியை உடைத்து விடலாமா என்று கூடத்தோன்றியது.

உங்களுக்கும் இது போன்ற அனுபவம் நேர்ந்திருக்கும்.

எரிச்சலுடன் அலுவலகம் சென்று சேர்ந்தேன். ஆச்சரியத்தக்க வகையில், எனது நண்பரும் காலையில், இதே தொல்லைக்கு ஆளாகியுள்ளார். இதைப்பற்றி அவருடன் பேசிக்கொண்டிருக்கையில், நான் அந்த நிறுவனத்தை திட்டப்போகிறேன் என்று சொல்லி, கோபத்துடன் அந்த நிறுவன வாடிக்கையாளர் சேவைக்கு அழைத்து திட்டு திட்டென்று திட்டி தீர்த்தார்.

எல்லா திட்டையும் கனிவுடன் ஏற்றுக்கொண்ட அந்த சேவை மைய பெண், இறுதியில்

"சார். உங்க மொபைல்ல இருந்து START DND என டைப் பண்ணி, 1909 - ங்கற நம்பருக்கு SMS பண்ணுங்க. "

என்றார்.

The National Do Not Call Registry என்பது TRAI(Telecom Regulatory Authority of INDIA) - ஆல் நிர்வகிக்கப்படும், ஒரு (database) தகவல் தளமாகும். இதன் முக்கிய நோக்கம் என்னவெனில், UCC  Unsolicited Commercial Communication எனப்படும் தேவையற்ற செய்திகள் மற்றும் அழைப்புகளில் இருந்து பயனர்களைக் காப்பதற்காக உருவாக்கப்பட்டதாகும்.

UCC என்பது பற்றி, NDNC website சொல்வது என்னவெனில், "முதலீடு பற்றியோ, பொருட்கள் மற்றும் சேவைகள் பற்றியோ, வாடிக்கையாளர்களுக்கு தெரிவிக்கும்,  வியாபார நோக்கிலான செய்திகள், மற்றும் அழைப்புகள் UCC எனப்படுகின்றன".

உங்கள் கைபேசி எண், NDNC பதிவேட்டில் இருக்கிறதா என சோதிக்க எங்கு க்ளிக் செய்யுங்கள்.

ஆனால், உங்கள் எண் NDNC - இல் பதிவு செய்ய நீங்கள் குறுஞ்செய்தி அனுப்பிய பின், 45 நாட்கள் கூட ஆகலாம். 

ஏர்செல், ஏர்டெல், டாடா டொகோமோ, வோடபோன் போன்ற அனைத்து நிறுவனங்களுக்கும் ஒரே மாதிரியான குறுஞ்செய்திதான். ரிலையன்சுக்கு மாறும் என நினைக்கிறேன். சேவை மையத்துடன் தொடர்பு கொண்டு கேட்டுக் கொள்ளுங்கள்.

நான் பதிவு பண்ணிட்டேன். நீங்க ?

மீண்டும் வருகிறேன்.

அன்புடன்..,

பா.வேல்முருகன்.

உங்கள் டிவைஸ் டிரைவர் மேம்படுத்தப்பட்டதுதானா (Is your device driver updated) ?

நம் கணினியில் பல்வேறு வன்பொருட்கள் இணைத்திருப்போம். ஒவ்வொன்றுக்கும் அதற்கான டிரைவர் நிருவியிருப்போம். அந்த டிரைவர் மென்பொருட்கள், அதற்குப்பின் மேம்படுத்தப்பட்டிருக்கலாம். அவ்வாறு மேம்படுத்தப்பட்ட டிரைவர்களை தேடித்தேடி நிறுவ இயலாது.

எந்தெந்த டிரைவர்களுக்கு மேம்படுத்தப்பட்ட டிரைவர்கள் உள்ளன, அவற்றிக்கான தரவிறக்கங்கள் குறித்த தகவல்களை கண்டுபிடித்துக்கொடுக்க் என்றே ஒரு மென்பொருள் உள்ளது. இதனை நிறுவி நமது கணினியை ஸ்கேன் செய்தால், அழகாய் பட்டியலிடுகிறது. வேண்டுமானால் மேம்படுத்தப்பட்ட டிரைவரை நிறுவிக்கொள்ளலாம்.






உபயோகித்துப்பாருங்களேன்.

தரவிரக்கச்சுட்டி : இங்கே

மீண்டும் வருகிறேன்.

அன்புடன்..,

பா.வேல்முருகன்

நீங்கள் புதைத்த பைலை தோண்டி எடுக்க ஓர் மென்பொருள்.

diskdigger என்பது இணையத்தில் கிடைக்கும், விண்டோஸ் இயங்கு தளத்தில் இயங்கும் ஒரு சட்டரீதியான இலவச மீட்பு மென்பொருள்.

இதன் சிறப்பம்சம் என்னவெனில், இதனை கணினியில் நிறுவ வேண்டியதில்லை. 1.44 MB அளவே உள்ளதால், இதனை பென் டிரைவிலேயே எடுத்துச்செல்லலாம். exe பைலை க்ளிக் செய்தாலே போதும். நீங்கள் டெலீட் செய்த பைல்களை எல்லாம் காட்டி விடும். FAT12, FAT16, FAT32, exFAT, மற்றும் NTFS பைல் சிஸ்டம்களை ஆதரிக்கிறது.





தரவிறக்கி வைத்துக்கொள்ளுங்களேன்.

எப்போதாவது உதவும்.

தரவிறக்க சுட்டி : இங்கே

மீண்டும் வருகிறேன்.

அன்புடன்..,

பா வேல்முருகன்.

அப்படி என்ன இருக்கிறது இன்டர்நெட் எக்ஸ்ப்ளோரர் - 9 இல். ?

மைக்ரோசாப்ட் நிறுவனத்தின் உலாவியான, இன்டர்நெட் எக்ஸ்ப்ளோரரின் அடுத்த பதிப்பான இன்டர்நெட் எக்ஸ்ப்ளோரர் - 9 , பயனாளர்களிடையே பெரும் எதிபார்ப்பை ஏற்படுத்தி வருகிறது.

மார்க்-அப் லாங்குவேஜின் அடுத்த படியான, HTML 5 - வை ஆதரிப்பது, மேலும் இதனுடன் இணைந்துள்ள, மைக்ரோசாப்டின் ஜாவா ஸ்க்ரிப்ட் இன்ஜின் ஆகியவை பயனாளர்களுக்கு இணையத்தில் வேகமாக உலவும் அனுபவத்தை தரக்கூடியது என தெரிவிக்கிறது மைக்ரோசாப்ட்.

கடந்த பதினாறாம் தேதி, இதன் முதல் டெவெலப்பர் ப்ரிவ்யூ வெளியிடப்பட்டது. இன்னும் மேம்படுத்தல் நிலையிலேயே இருக்கும் IE9, அதன் ப்ரிவ்யூவைப் பார்க்கும்போது, இதனை வடிவமைக்க மைக்ரோசாப்ட் அதிகமாக மெனக்கெட்டிருப்பது தெரிகிறது. தனது போட்டி உலாவிகளான, பயர்பாக்ஸ், சபாரி, குரோம் ஆகியவற்றை சமாளிக்க, IE9 நிறைய மேம்படுத்தப்பட்டுள்ளது.

ஆனால், விண்டோஸ் விஸ்டா SP2 பதிப்புக்குப்பிந்தைய தளங்களில் மட்டுமே செயல்படும் என சொல்லப்படுகிறது.

IE9 டெவெலப்பர் ப்ரிவ்யூ தரவிறக்கம் செய்ய, www.IETestDrive.com.

மீண்டும் வருகிறேன்.

அன்புடன்..,

பா.வேல்முருகன்.

DNS ஹைஜாக்கிங் என்றால் என்ன ?

சென்ற மாதத்தில் ஒரு நாள், DNS ஹைஜாக்கிங் என்ற ஒரு நுட்பத்தின்படி TCS நிறுவனத்தின் தளம் முடக்கப்பட்டது என்பதாக செய்திகள் வந்தன.

அது சரி..DNS ஹைஜாக்கிங் என்றால் என்ன ? அதைப்பற்றி கொஞ்சம் தெரிந்து கொள்ளலாமா ?

ஒவ்வொரு இணைய தளத்துக்கும் ஒவ்வொரு IP முகவரி உண்டு என்பது நம்மில் பெரும்பாலானோருக்கு தெரியும். தளத்தின் பெயருக்குப் பதிலாக, அந்த தளத்தின் IP முகவரியை நம் உலாவியில் தட்டச்சினாலே அந்த தளம் திறக்கும்.

உதாரணத்துக்கு, 209.85.153.191 என்று உங்கள் உலாவியில் தட்டச்சு செய்தால், கூகுல் தளம் திறக்கும்.

இப்போது, www.google.com என டைப் செய்து, அந்த தளம் திறப்பதற்கும், 209.85.153.191 என்ற முகவரியைக்கொடுத்து அந்த தளம் திறப்பதற்கும், இடையேயான கால வேறுபாட்டை கவனித்துப்பாருங்கள்.

ஏன் இந்த கால வேறுபாடு ?

DNS சர்வரில், ஒவ்வொரு தளத்துக்கும், அந்த தளத்தின் IP முகவரிக்கும் mapping கொடுக்கப்பட்டிருக்கும். (நமது கைபேசியில், மற்றவர்களின் கைபேசி எண்ணை அவர்களது பெயர் போட்டு சேமித்து வைத்திருக்கும் போன்புக் போல.)

நாம் www.google.com என கொடுத்தவுடன், நமது கோரிக்கை DNS செர்வரை சென்றடைகிறது. அங்கு அந்த தளத்தின் பெயர் அதற்குரிய IP முகவரியாக மாட்டப்பட்டு, நம் கோரிக்கை அந்த தளத்துக்கு திருப்பி விடப்படுகிறது. இவ்வாறு ஒவ்வொரு தளத்தின் பெயரையும், அதன் IP முகவரியுடன் மேப் செய்யும் வேலையே DNS சர்வரின் வேலையாகும்.

பொதுவாக இணைய இணைப்பு வைத்திருக்கும் ஒவ்வொருவரும், அந்த இணைய இணைப்பு தரும் நிறுவனத்தின் (ISP) DNS யே சார்ந்திருக்கிறோம்.
அவர்கள் தரும் DNS சர்வர் எண்ணையே பயன்படுத்தி இணையத்தில் உலவுகிறோம்.

Rogue DNS சர்வர் என்பது என்ன ?

DNS பற்றி தெரியும். அதென்ன Rogue DNS ? Rogue என்றால், தமிழில் அயோக்கியன் என்று பொருள். DNS என்ன அயோக்கியத்தனம் செய்கிறது ?. நாம் கொடுக்கும் கோரிக்கையை, உரிய IP க்கு அனுப்பாமல், வேறொரு IP முகவரிக்கு திருப்பி அனுப்புகிற வேலையை Rogue DNS செய்கிறது.

இணையதள ஹேக்கர்களாலோ, வைரசாலோ தீய வேலை செய்ய, அதன் கட்டுப்பாட்டில் வைத்திருக்கும், இணையத்தில் இணைந்திருக்கும் ஒரு கணினி, ஷோம்பி கம்ப்யூட்டர் (Zombie Computer) என அழைக்கப்படுகிறது.

இந்த கணினிகள் மூலம் அனுப்பப்படும் DNS மாற்றம் செய்யும் ட்ரோஜான்கள், ISP - ஆல் கொடுக்கப்படும், தானியங்கு DNS மேப்பிங்கிற்கு பதிலாக, Rogue சர்வரால் கொடுக்கப்படும் மேப்பிங்கிற்கு, மாற்றப்படுகிறது. இப்போது பயனரின் கோரிக்கை Rogue சர்வரால் திருப்பப்பட்டு, போலியான தளத்திற்கு பயனரை கொண்டு செல்கிறது. இவ்வாறு மாற்றி அனுப்பப்படும் தளம், பயனரின் தகவல்களை, திருடும் வேலையை செய்தால், அதனை phishing என்கிறோம்.

TCS.com - DNS ஹைஜாக்கிங் செய்யப்படவில்லை, Domain ஹைஜாக்கிங் செய்யப்பட்டது எனவும் சொல்லப்படுகிறது. அதென்ன Domain ஹைஜாக்கிங் ? அடுத்த பதிவில் பார்க்கலாம்.

மீண்டும் வருகிறேன்.

அன்புடன்...,

பா.வேல்முருகன்.

உங்கள் ப்ளாகை Back-Up எடுக்க அருமையான மென்பொருள்.

உங்கள் ப்ளாகை Back-Up எடுக்க ஒரு அருமையான மென்பொருள் இணையத்தில் உள்ளது. இதனை தரவிறக்க இங்கே க்ளிக் செய்யவும்.

இதனை, உங்கள் கணினியில் நிறுவிய பின், வரும் விண்டோவில், Add/Update/Remove blogs என்பதனை தேர்வு செய்யுங்கள்.






பின்னர் உங்கள் ப்ளாகரின் பயனர் பெயர் மற்றும் கடவுச்சொல்லை கொடுத்து, Log into blogger to get blogs என்பதை க்ளிக் செய்யுங்கள்.





உங்கள், ப்ளாகுகள் அனைத்தும் பட்டியலிடப்படும். ஒவ்வொரு ப்ளாகையும் தேர்வு செய்து, சேமிக்க வேண்டிய போல்டரை கொடுத்து சேமித்துக்கொள்ளுங்கள்.





மீண்டும் வருகிறேன்.

அன்புடன்..,

பா.வேல்முருகன்.

நிரம்பி வழியும் இன்பாக்சும், ஜிமெயில் செர்ச் (Search) ஆப்ஷன்களும்.

நீண்ட நாட்கள் கழித்து, பல்வேறு கூகிள் குரூப்களில் சப்ஸ்க்ரைப் செய்து வைத்திருந்த எனது இன்னொரு ஜிமெயில் அக்கவுன்ட்டை நேற்று ஓபன் செய்து பார்த்தபோது, மெயில்கள் எக்கச்சக்கமாய் நிரம்பி வழிந்தது. தேவையற்ற அட்டாச்மென்ட்ஸ்சுடன் நிறைய மெயில்கள் இருந்தன.




இவற்றை அழிக்க என்ன செய்யலாம் என யோசித்த போது, மேலே இருந்த Serach Mail ஆப்ஷன் ஏன் கண்ணில் பட அதில் ஏதாவது உபயோகமான வழி இருக்குமா என தேடினேன். ஆச்சரியமூட்டும் வகையில் நான் நினைத்ததற்கே வழி இருந்தது. (இந்த இடத்தில் ஒரு விஷயத்தை குறிப்பிட்டே ஆக வேண்டும். யாஹூவில் இது போன்ற தொல்லை இல்லை. மெயிலின் அளவின்படி (Size) அதனை வரிசைப்படுத்திக்கொள்ளலாம் (Sort). பெரிய அட்டாச்மென்ட் அளவுள்ள மெயில்களை முதன்முதலில் வரும்படி செய்து அவற்றை தேர்ந்தெடுத்து அழிக்கலாம்)

சரி விஷயத்துக்கு வருவோம்.
Search box - இல் has என டைப் செய்ய has:attachment என வந்தது.




அட நாம் நினைத்தபடி கிடைத்து விட்டதே என நினைக்க, அதன் கீழேயே இன்னொரு ஆப்ஷனும் இருந்தது.





has photos
has videos
has documents
has calendar event

எனக்காட்டியது ஜிமெயில். சரி. has videos செலக்ட் செய்யலாம் என செலக்ட் செய்தபோதே, அதற்குள்ளும், (avi OR mov OR mpg OR mpeg OR mp4) OR youtube.com/watch எனக்காட்டியது.

has:attachment(*.wmv) எனக்கொடுக்க wmv வீடியோக்கள் இணைந்த மெயில்கள் மட்டும் தெரிந்தன. சுலபமாக அழித்து விட்டேன்.




இன்னொரு ஆப்ஷனும் இருக்கிறது.
நான் மெயில் செக் செய்து 6 மாதங்களுக்கு மேல் ஆகியிருந்ததால், மூன்று மாதங்களுக்கு முந்தைய மெயில்களை எல்லாம் அழித்து விட,

before:2009/12/25 எனக்கொடுத்து தேட, 25.12.2009 க்கு முந்தைய மெயில்கள் அனைத்தும் பட்டியலிடப்பட்டது. எனது அழித்தல் வேலை சுலபமாய் முடிந்தது.











நீங்களும் உங்கள் மெயில்களை தேடிப்பாருங்களேன்.

மீண்டும் வருகிறேன்.

அன்புடன்..,

பா.வேல்முருகன்.