கனாகாலம்: அறிந்து கொள்வோம் ஆரக்கிள் - பாடம்

தரவு வகைகள் CHAR, NCHAR, VARCHAR, VARCHAR2, NVARCHAR2, NUMBER, PLS_INTEGER, BINARY_INTEGER, LONG, DATE, TIMESTAMP, RAW, LONGRAW, ROWID, UROWID, MLSLABEL, BLOB, CLOB, NCLOB, BFILE, XMLType - ன்னு பல வகைப்படும்.

ஆனா, நாம அடிப்படையானவைகள மட்டும் எடுத்துக்கலாம்.

அடிப்படையில முக்கியமானது, NUMBER, CHAR, VARCHAR, VARCHAR2, DATE, இவைகள் மட்டும்தான். மத்த வகைகளை பத்தி அதை பயன்படுத்தும்போது தெரிஞ்சுக்கலாம்.

1. NUMBER(p,s) :

இது எண்களை குறிக்கும் தரவுகள்ல பயன்படுது. இதுல (p,s) - ன்னு இருக்கறது என்னன்னா,

p - precision, s-scale.

அதாவது, p -ங்கறது மொத்த இலக்கங்களின் எண்ணிக்கை, s - ங்கறது, தசம ஸ்தானங்களின் இலக்கங்களின் எண்ணிக்கை.

எடுத்துக்காட்டா,

NUMBER(5,2) - ன்னு குறிச்சா, மொத்தம் 5 இலக்கங்கள் சேமிக்கலாம். அதுல 2 இலக்கங்கள் புள்ளிக்கு அடுத்தபடி வரணும். அதாவது இதுல 999.99 வரைக்கும் சேமிக்கலாம்.

இந்த ப்ரசிசன் - ல 1 - ல இருந்து 38 வரைக்கும்கொடுக்கலாம்.
ஸ்கேல்ல -84 ல இருந்து 127 வரைக்கும் கொடுக்கலாம்.

2. CHAR(size) :

இது தீர்மானிக்கப்பட்ட அளவுடைய எழுத்துரு டேட்டாவை நிர்ணயம் பண்ண பயன்படுது.

அதென்ன, "தீர்மானிக்கப்பட்ட", "தீர்மானிக்கப்படாத " அப்டீன்னு, கேப்பீங்கங்கறது எனக்கு புரியுது.

ஒவ்வொரு எழுத்துருவும் ஒரு பைட் (byte) அளவுள்ள நினைவகத்தை ஆக்கிரமிக்கும். நாம டேபிள் உருவாக்கும் போது EMPL_NAME CHAR(8) - ன்னு நாம குறிப்பிட்டா, EMPL_NAME அப்டீங்கற நிரல் - ல அதிகபட்சமா 8 எழுத்துரு டேட்டாவை சேமிக்கலாம் (8 bytes). எடுத்துக்காட்டா, "RAJAMANI" அப்டீங்கற பெயரை எந்த பிரச்னையும் இல்லாம சேமிக்கலாம். இப்போ, "VEDHA" -ங்கற பேரை கொடுத்தா, அது 5 எழுத்துரு டேட்டாவை (5 byte) சேமிச்சுக்கிட்டு மீதமுள்ள 3 பைட் இடத்தை, வெற்றிடத்தால (ஸ்பேஸ்) - நிரப்பி வச்சுக்கும். யாருக்கும் அந்த இடத்த விடாது. அதுதான் "தீர்மானிக்கப்பட்ட" அப்டீங்கரதுக்கு அர்த்தம்.

அட்டவணைல ஆரக்கிளோட ஒவ்வொரு பதிப்புளையும், எப்படி சேமிக்கலாம்னு சொல்லிருக்கேன்.

3. VARCHAR, VARCHAR2(size),

இப்பல்லாம், VARCHAR அதிகமா பயன்படுத்துறது இல்லங்க. VARCHAR2 - அதிகமா பயன் படுத்துறாங்க.

இதுவும் எழுத்துரு டேட்டாவை சேமிக்கதான் பயன்படுது. ஆனா இது இடமெல்லாம் போட்டு வைககாதுங்க.

எடுத்துக்காட்டா, EMPL_NAME VARCHAR(8) அப்டீன்னு குறிப்பிட்டா, அந்த நிரல் - ல "VEDHA" - ங்கற டேட்டாவை சேமிக்கலாம். மீதமுள்ள 3 பைட் இடத்தை ஆக்ரமிக்காது. ஒருவேளை பின்னாடி அதுக்கு மேல சேமிக்கனும்னாலும், 5 பைட் போக மீதமுள்ள எழுத்துகளை, வேறொரு இடத்துல சேமிச்சு வச்சுக்கும். நமக்கு எந்த பிரச்சனையும் இல்ல.