சிறந்த பத்து (தொடர்பதிவல்ல) டெக்ஸ்ட் எடிட்டர்கள் (Text Editors).

சிறந்த பத்து பெண்மணிகளைப்பற்றி பதிவுலகம் தொடர்பதிவு எழுதி, பட்டியல் போட்டு கலக்கிக்கொண்டிருக்கும் வேளையில், உலக கோடீஸ்வரகள் பற்றி Forbes பட்டியல் போட்டிருக்கும் வேளையில், உங்களுக்காக, சிறந்த பத்து இலவச டெக்ஸ்ட் எடிட்டர்களை நானும் பட்டியல் இடுகிறேன்.

கணினி பயன்படுத்தும் அனைவருக்கும் ஏதோ ஒரு வகையில் டெக்ஸ்ட் எடிட்டர்கள் தேவையானதாகத்தான் இருக்கின்றன. அதிலும், நிரல் எழுதுவோருக்கும், வலையமைப்பு செய்வோருக்கும் டெக்ஸ்ட் எடிட்டர்கள் மிக முக்கிய தேவையாக இருக்கின்றன.

விண்டோஸ் இயங்குதளத்தில், நோட்பேட் டெக்ஸ்ட் எடிட்டர் இணைந்தே வந்தாலும், அதில் சில ஆப்ஷன்கள் இல்லாதது வருத்தம் அளிக்கக் கூடியதுதான். விசை எண்கள், பல்வேறு மொழிகளை ஆதரிக்கும் தன்மை போன்றவை இல்லாதது கொஞ்சம் ஏமாற்றம்தான்.

(மென்பொருளை தரவிறக்க படத்தின் மீது க்ளிக் செய்யவும்.)


1. Notepad++





இலவசமாகக்கிடைக்கும் இந்த மென்பொருள் பல்வேறு நிரல் மொழிகளை ஆதரிக்கிறது. மிகச்சிறிய அளவில் இருக்கிறது.

2. TotalEdit




வலை தள வடிவமைப்பு மொழிகளான, PHP, HTML, Javascript போன்றவற்றில் பணிபுரிவோருக்கு, பணியை எளிதாக்க இந்த எடிட்டர் பயன்படுகிறது. ஆட்டோகம்ப்ளீட் வசதி, சின்டக்ஸ் கலரிங் மற்றும் பல வசதிகள் இருக்கிறது.

3. Notepad2





இதுவும் பல மொழிகளை ஆதரிக்கிறது.

4. XML Notepad 2007.




XML மொழியில், நிரல் எழுதும் பயனர்களுக்கு, இத மிகவும் பயனுள்ளதாக இருக்கும். நிரல்களில் மனித தவறுகளை சுட்டிக்காட்டும் வசதி, XML டேகுகளை பல்வேறு நிறங்களில் வித்தியாசப்படுத்தும் வசதி போன்றவை இதன் சிறப்பம்சம்.

5. ConTEXT





C/C++, Delphi/Pascal, Java, Java Script, Visual Basic, Perl/CGI, HTML, CSS, SQL, FoxPro, 80x86 assembler, Python, PHP, Tcl/Tk, XML, Fortran, Foxpro மற்றும் InnoSetup போன்ற மொழிகளை ஆதரிக்கிறது. இது மிகவும் சிறிய அளவிலான மென்பொருள். குறைவான நினைவகத்தை பயன்படுத்துவதாக சொல்லப்படுகிறது.

6.jEdit





ஜாவாவில் எழதப்பட்ட மென்பொருள். விண்டோஸ், லினக்ஸ் மற்றும் மேக் தளங்களில் செயல்படும் வகையில் உள்ளது. மேலும் பல்வேறு புதிய வசதிகளுக்கு நீட்சிகளும் கிடைக்கிறது.

7.SourceEdit




பல்வேறு டூல்களின் வசதியுடன் வரும் இந்த எடிட்டரும், நிரல் எழுதுவோருக்கும், மற்ற பயனர்களுக்கும் எளிதாகப்பயன்படுத்தும் வகையில் உள்ளது.

8. VIM Text Editor




VIM என்பது லினக்ஸ் இயங்குதளத்தில் பயன்படும் vi எடிட்டரின் improved வெர்ஷன் எனப்படுகிறது.
ஆனால் கடைநிலை பயனரும் பயன்படுத்தும் வகையில் எளிதல்ல. இதுவும் விண்டோஸ், லினக்ஸ், மேக் தளங்களில் இயங்கக்கூடியது.

9.E-Text Editor





மல்டிடேபிங் வசதியுடன் வரும் இந்த எடிட்டர், பார்ப்பதற்கு எளிதாகவும், பயன்படுத்த வசதியாகவும் இருக்கிறது.

10.TextPad




பத்து மொழிகளுக்கான ஸ்பெல்செக்கர் வசதி, வார்ம்ஸ்டார்ட் feature எனப்படும், கடைசியாக, டேப்களில் க்ளோஸ் செய்யாமல் எடிட்டரை மூடும்போது பயனில் இருந்த பைல்களை தானாக திறக்கும் வசதி உள்ளிட்ட பல வசதிகளுடன் வருகிறது.


உபயோகமாக இருக்கும் என நம்புகிறேன்.

மீண்டும் வருகிறேன்.

அன்புடன்..,

பா.வேல்முருகன்.